منتديات شبكة خورة العربية - بوش والجزمة.. في الزوامل الحضرمية

يامنتظر بالله حكم عالهـــــــدف ** وافــرح قلوب الناس ذي محسوره

مثلك في الأزمة قضى لي كل شف ** بالصوت تلقوا جزمتك والصوره

قالوا العرب حكمة بأن البر سلف ** واليوم دارت عالخبيث الدوره

كل شي انتهى من بعد تفريق الشنف ** رخوا حبال المالكي المزروره

وقد حث مشكورا المشرف العام للموقع الأستاذ (عقيل بربيعة) الشعراء على سرعة التفاعل فجادت أوديتهم الشعرية بأعذب القصيد وأروع الأبيات نجتزئ منها قولهم:

< عمر سالم الذيب:

يقول بو طارق عمر وسط الملف ** والبوش يتحــدث مع جمهوره
جاهم بطل مغوار من أهل الشرف ** مندوب أمة خالــدة أسطوره

سدد بواقي الدين كله والسلف ** واشفي غليل الأمة المقهوره
لله در (المنتظر) رمز انكشف ** يومه بجوز أنعال أعلن ثوره

يا كم قصفنا بوش واليوم انقصف ** بسلاحنا الذري الحذاء المشهوره

< خالد سالم بن مهناء :

جزمه وظفرت بالمعزه والشرف ** إللي رمتها النفس لي مقهوره

ياليت دمه وسط شريانه وقف ** كافر ولا عمره قرأ في سوره

يا لمنتظر يعجز بوصفك من وصف ** من بأسك أمريكا مست مذعوره

لولاك ما باينقضي للناس شف ** مشكور وأيضا جزمتك مشكوره

< طالب باتيس (أبوراضي):

مابوش من بعد الشجاعة والحنق ** جزمة عراقي غصب وطت كوره

هانته من بعد المعزه والشرف ** هانته في المسرح قبل جمهوره

لـ الله دره لي رمى صوب الهدف ** جـزمة ولـكن هـزت المـعموره

< مبروك بن ماضي:

كأنه عطاء بوش اللئيم ألفين كف ** وفرح قلوب الناس في المعموره

ويا للأسف يا للاسف يا للأسف ** ياليتها حطت سوى في كوره

< محمد سعيد بن مخاشن:

ما شفته الزيدي وهو داس الشيف ** أشفيت يا الزيدي نفس مقهوره

قتل ملايين البشر ماله هدف ** وأضعفهم كل شكا من جوره

كذاب عند الأنس والجن اعترف ** قل: وينه الذري مع المحظوره

خادم لإسرائيل واليوم انكشف ** يهوين عا كل من تبع صمروره

< أبوبكر باغريب :

المنتظر عا لحن ذا الأمة عزف ** والجزمه أرست قاعده منصوره

لي ما يجي بالطيب بالجزمه يزف ** ويكون عبره للبشر مأثوره

خطوه بطوليه لكل من يستخف ** بمصير شعب أمجاد له محفوره