منتديات شبكة خورة العربية - قصيده قديمه ومجارات اكثر من شاعر

قـصـيــدة الـشـاعــر/

سحمان بن ملحم العزه السبيعي

حميد يا جـو ٍعلـى سيـف جـده
خص ٍ ليا ناشه من الغرب نسنـاس

المـوج لـولا أن الحواجـز تـرده
ما ينتهي حتى يسلـم علـى النـاس

يقفي ويقبـل بيـن جـزره ومـده
ويرمي عليهم مثل حبات الألمـاس

يرتاح بـه مـن لـه رفيـق يـوده
أيبادله صدق المشاعر والإحسـاس

حيـدٍ يـذري مـن تـذرا بـسـده
قوله وفعلـه كلهـا ترفـع الـرأس

يا قف معه لمن أشهب الوقت ضـده
وقبل الجفاف يناوله بـارد الكـأس

رد الـــشـــاعـــر / حـمـيــد الـذيــابــي

حي البيوت اللـي لفـت مستجـده
من واحدٍ شاقه على السيف مجلاس

بعض الـذي شافـة عيونـه يعـده
وصفه لما شاهد كما وصف عساس

قاف ٍ بـدأ بسمـي فمبـدى مشـده
وكمل وجمل طيب الذكر والسـاس

لعـل حـدات الدهـر مـا تحـده
ولو حدته يلقى على وصفه أجنـاس

خطو ابلج ٍ طيبه على طيـب جـده
قد سجلوا فعله على قـب الأفـراس

وقـت الرخـا كـلٍ يسـد بمسـده
لكـن فالشـده ينومسـك نومـاس

ما فيه عن ماجوب الإخيـار صـده
تدعيه دعوت والد ادبـاس لدبـاس

حـرٍ يهـدن الطـيـور بمـهـده
في مطرده يلقى العشا عقب الافلاس

ويقضي لزومـه قبـل كفـه يمـده
ويعفيه مما يعمس الخّيـر اعمـاس

مجاراه مــن الشـاعـر / عبد الله بن نايف بـن عـون

لي خمسة أشهر والقريحـة محـده
ما دار في بالي للأشعـار هوجـاس

واليـوم لجلـي كنهـا مستـعـده
على مجارى درة ٍ مالهـا أجنـاس

يا مسـوي الفنجـال صبـه وعـده
للـي معاريفـه جـدايـد و دراس

وعن كف مشهود الوفـا لا تصـده
يستاهلـه راس ٍ للأمجـاد نبـراس

يا شـوق رعبـوب ٍ جديلـه يكـده
كنه شليل عبيـة ٍ عقـب مـرواس

مـا فالحيـاة ألا الوفـا و المـوده
ومعاشر الطيب وتجنيب الأنجـاس

الطيب ماله عنك يـا شيـخ صـده
ياطيب ٍ مجدك وطيبك على سـاس

مجاراة/غازي دخيل الله بن عون

من عام الاول والمشاعر مصده
دون الرجاء فالشعر يحتدها الياس

ولاهي بعن دين الشعر مسترده
لكن ي سحمان من قلّ الاوناس

من عقب شعر العالم المستجده
اللي حنو رأسه مثل حني الأقـواس

إنتاجهم مـا ينحصـي لـو نعـده
وثلاثة أرباعه حبر فـوق قرطـاس

وأنا انتباهـي نـادر اللـي يشـده
بعد الذهب عوض بقصدير ونحـاس

غير الطفوح اللي تشـوق المـوده
عزل العقيد أم الجنايب والأجـراس

منها المشاعر شوقها وصـل حـده
وتبجحت بالربح من عقب الإفـلاس

والبحر طرفـه يـوم يمـك يلـده
بعد صدفلك فوق شاطيـه مجـلاس

ويوم أن موجه قام يقـرب لا بـده
يقول يا بحر الندى جعل مـا بـأس

بينك وبينه يـا أبـو خالـد مـوده
مـودة ٍ فيهـا معـزه ونـومـاس

بالاسم قـدك وأنـت بالفعـل قـده
وأنته وهو محد ٍ علـى ظلكـم داس

ويش القرابـة بيـن جـدك وجـده
حتى بقيتوا مثـل مـره وجسـاس

مجاراه الشاعر /دسمان بن مناحي

يحرم على راسـي ليـان المخـده
لين أضرب الغبه ورا كل غطـاس

ما دام فى الطاروق ضمـه وشـده
نقطف نوامى زمته قطـف بسبـاس

يـا هاجسـي دور فريـده وبــده
وإشرب قراحه قبل صافيه ينحـاس

جنب عن اللـى مـا تبيـه وتعـده
قدام لا تصبح مثـل طابـخ الفـاس

عانق شهاليـل البـرد مـن مهـده
كما يعانـق شـم الاقـذال قرنـاس

من صافح رمـوز المكـارم بيـده
ما راوده من طيف الاوهام وسواس

ذيب الحجاز وذيـب قـارة مصـده
جتهم ذياب الهضبه اللى لها أرواس

وتجاوبـوا فـى سهلـةٍ مجرهـده
وأنا ضربت أرباع وأخماس وأسداس

وجيت أطمر الجرفان والقاف أفـده
عطشان لمجارا بعيديـن الارمـاس

اللـى مراكيهـم كبـار الاشــده
وأشبارهم من دفـه المجـد تقتـاس

عيـال روسٍ توصـل العلـم حـده
وأحفاد روسٍ تلبس الجوخ والطاس

أخذوا زمـام الشعـر ورده ونـده
واللى بقـا شيـحٍ علاويه يباس