منتديات شبكة خورة العربية - قلـت اجلسـي قالـت تـرى النـاس حـراس ,,,,,,

قلـت اجلسـي قالـت تـرى النـاس حـراس
بعـــض العــــرب نظـراتهـم فــــي نجاسه

بايشبعــونا لــــوك مـــا بيـن لضــــــــراس
فــي كــل مجلــس زيـــن ولا خســاســه

قلـت: اجلسـي لــو تسكنـي قلـب قـداس
أو تــــرفلـي فــي ثــــوب كلـــه قــداســه

أو تسكنـي فـي قصـر مـا تـدخلـه نـــــاس
مـا تسلمــي مـن قـــول واشي دنــاســه

ذا طبـع بعـض النـاس همـاس دســـــــاس
لا مـا لقــــي كلمــــه يــألـــف بـــــراســه

لــو تجلســي با يصبــح الجــو إينـــــــاس
والطيـــــب بـــايـــرخــي عـلينـــا لبـاســه

والنــور بايسكــر مــع الليـــل بلكــــــــاس
والليــل يطـرد مـن جفـــــونـه نعــاســـــه

قالــت كــلامـك سحـر رقــه وإحســــــاس
منيـــــن جبتــه كـــل كلمــــه بمــاســــه

جـــاوبتهــا: شاعــر كثيــر التهـوجــــــاس
هاجـس معـــي فصّـل كــلامـــــه وقاسـه

يهتـز راســـه لــو لمــح غصــن ميـــــاس
عاشـــق لـربـــات الحـلاء والـــونـــاســـه

قالـت: منيـن اصلـك؟ وجـاوبـــت قـرنــاس
أهلــي عــوالـــق يعشقـــون الــــرياســه

يتنشقـــون المـوت فـــي سـاعـة البــــاس
والمـــــوت يخشاهـــم علــى رغـم باسـه

عشـــاق قالـــت: قلـت مـن غيـر مقيـاس
العشــــق أصـــلاً عنــدهم كـــان ساسـه

هُـم شيـــدوا قصـــره مـن اللـول والماس
ويـــدرســونـــه للخـــلايــــق دراســـــــه

قالــت كفـــايـه دخــت.. رديــت لا بــــاس
قالـت لقـــانــا الصبـــح.. قلـــت إنتكاســه

حسيـــت قلبــــي بيـــن لضــلاع ينــداس
مـــن قبـــل تــرحل دقـه الشــوق داســـه

قفـــت وانــا بـاقـلّــب خمــــاس بســداس
والهـــم يسكـــب لـي وانا اشرب بكاســـه

مـرت كـأنـه حلـم فـــي غمضـــة نعــــاس
وتـــوكلـت والسهـــــد يضــــرب بفـــاسـه

وامسيــت ما بيـــن الـرجـــاء قيـم واليـاس
لا حيــى الأمــل قلبـــي ذبحنـي بياســـه

اللــــــه يــا ليـــل الأســــى والتـوجــــاس
ماشـــي معــك شـي صبح يظهـر براســـه

يطـــويـك يـا ليـل النكــد طــي قــرطـــاس
يطـــوي وانــا بطبـــل بطبلـــه وطـــاســـه

لبستنــي بـــالهــــم والقهــــر لبـــــــاس
وامست نجومـك فــوق راســي حـــراسه