http://vb.shbab7.com/pc/2016/1402772774_234.gif

ولعتني يا نور عيني وصديت
وخليتني من طول هجرك أعاني
مدري جفا مدري علينا تغليت
وإلا دخل في جوكم شخص ثاني
وانت الذي فيوسط عيني تعليت
وليا ذكرتك داعي الشعر جاني
ما طاب لي زاد ولا مقعد البيت
حتى لذيذ النوم راح وجفاني


تبي تقرا كتاب من حياتي؟؟
وتكشف سر ما عمرك قريته؟؟
بقلبي ما معك بالحب ثاني..
أصل حبك بنى بالقلب بيته..
لقيتك نور في معتم زماني..
وغيرك نوره الصافي وطيته..
غرامك يا هوى بالي خذاني..
وحب غير حبي لك نسيته..


غلاك ما يحتاج توثيق وحلوف
والله خلق حبك من الحب فيني،،،
وعزفت نغمة عشق عن كل معزوف،،،
وسكنت في قلبي وروحي وعيني....
وأغلى المشاعر جتك في شعر وحروف،،،
قلبي كتبها قبل تكتبها يميني.......!!


ليت بعض الناس يفهم كم أبيه
وليت يدري كم أتوله عليه
لونساه البال قلبي ما نساه
نبض قلبي دايم ينادي يبيه
دايم مشتاق وأتمنى لقاه
ولي غفيت بوسط حلمي التقيه
كل عمري يا عرب والله فداه
وكل ما أملك أنا فدوة عنيه


تعرف وش العذاب على أصوله؟؟
العذاب انك تحب انسان ما يعرف غلاتك؟؟
العذاب انك تحب انسان يتجاهل حدودك؟؟
العذاب انك تعذب كل قلب يشوف قلبك؟؟
العذاب انك تعيش بعالمك من دون حب؟؟
العذاب يموت قلبك ولا أحد يدري بموته؟؟


ما زلت بالخاطر وما زلت بالراس
" ولا زلت أشوفك وين ما حط عيني "
شفت المياه شلون تنصب بالكاس
" الكاس عمري وانت موية سنيني "


تصدق اشتقتلك!!
أنا أعترف
بعدك حياتي ترتجف
تايه وحيد
أصيح باسمك وارتجف
في كل شي أتخيلك
ومهما تغيب
عندي أمل
بكره تجي
وبكل شوق
أستقبلك


عليك قلبي يا مني الروح مذبوح
الشاهد الله ما نسيتك ثواني
يلي فراقك حط لي هم وجروح
وأكبر مصيبة عشتها في زماني
أحبك أكثر من الحب المسموح
ولو بيدي ضميتك بصدري
واتعانقت الروح بالروح


بيني وبينك شي أكثر من الأحلام
حقيقة حبي لك ما هي حكيو أوهام
تسهر مع أشواقي تحت الرموش تنام
ومنك أقل كلمة تخفف الآلام
زاد الوله فيني قلبي في حبك هام
والله يحب مثلي ما تغيره الأيام


انت عمري لو فقدتك ما بقى لعمري وجود
وين أروح بكل حبي وانت لأوطانه أمان
مال حبك يا عيوني في طرف عيني جحود
لو نسيتك ما بقالي وسطه العالم مكان
لو برق شوقك ينادي جاوبه شوقي رعود
انت كل الناس عندي يا بعد كل الزمان


شلون اكتب عن غيابك..وانا في غيابك غايب
ماني قايل عذاب..شي أشد من العذاب
شي مثل الإكتئاب..شي مثل الإغتراب
شي مثلا لإضطراب..
باختصار..تقدر تسمي غيابك..
موت في عزالشباب


وشيقول اللي تعود يلتقيك..
يوم عمره ما لقى عقبك غلا..
ما قدر في بعدك إلايحتريك..
وما عرف في غيبتك غير الولا..
كم تمنى بالوفا لو يحتويك..
فيخفوق بأصدق الود امتلا..
لو بيديه بس لو يقدر يجيك..
ما يحول الوقت دونه والملا


جيتك , وأنا في داخلي زحمة كلام
ألف أبو مليون .. قصه , وسالفه !
شي حزن, وشي بوح, وشي ملام
وأكثره (( آهات روح ٍ )) .. تالفه



ذااابت ضلوعي .. من كثر ماانتظرتك ..
كن انتظآرك نار .. وضلوعي الشمع ..!!


أخاف ان قلت لك:
والله، ورب الكون
أنا أحبّك
تشحّ بـ جيّتك يمّي
و "تتبغدد" /
وتجفاني !!



يا اللي تقول ان الهوى
لا عبن بك
لا الصوت يا صلني،
ولا أقدر أحاكيك!
للحين أحبك ..
والأماكن تحبك
والذاكرة ..
ما زالت تجيب طاريك



لي شعورٍ ليت قلبك / يوصله
مايكفّي عنه أعبّر بالكلااااااام!
حتى جرحك في حشاي ّ/ مدلّله
حط راسه فوق قلبي، لييين نام!



مامرّ في صدري عذر
الاّ رميـته / واحتـرق
حتى استحيت من الضلوع
ليا نشدتني .. (مالفى )؟!


طفل الفَرح ياهيه ..
كل ما ارتشف زولك [ شرَق]
بالواقـع اللي مانسكب
في داخل عروقي ( وفا ) !!



وش تبي ..
كلمة أحبك ؟؟
ما أحبك !
بس أموت
بكل صوت تغرده
صبح وعشية !


http://vb.shbab7.com/pc/2016/1402772858_480.gif http://vb.shbab7.com/pc/2016/1402772858_492.gif


http://vb.shbab7.com/pc/2016/1402772859_343.gif http://vb.shbab7.com/pc/2016/1402772859_870.gif


http://vb.shbab7.com/pc/2016/1402772860_975.gif http://vb.shbab7.com/pc/2016/1402772860_297.gif