|
من روائع الامير الشاعر محمد الأحمد السديري
إن كان بي عذروب حبي لهل نجد
أحبها وأحب شمة هواها أحبها يوم أنها ديرة المجد دار تمكن بالضماير غلاها دار غلاها باجد مهجتي بجد دار لنا دار ظلالي سماها إن غبت عنها الحقت وجد على وجد متذكر عقب البطا برد ماها |
رد: من روائع الامير الشاعر محمد الأحمد السديري
أخذت أعد أيامها والليالي
دنيا تقلب ماعرفنا لها قياس كم فرقت مابين غالي وغالي لو شفت منها ربح ترجع للافلاس دار لنا ما بين صاره والأنفاد عسى عليها الوسمى يمطر حقوقه عسى يسقيها من الغيث رعاد مزن من المنشا تلاعج بروقه ويضفى على نجد الوفا دار الأمجاد اللي بها المضيوم ياخذ حقوقه والعشب غطى باذره كل الأوهاد من دافق الرايح تسابق عنوقه |
رد: من روائع الامير الشاعر محمد الأحمد السديري
يا حلو لجات الزهر وسط الأجراد
إن ذعذع النسناس مالت عذوقه في وسط نجد إتبع هوا كل نسناس وأطرب لشوق طيورها وتغريده أعشق ليالي نجد لو أنها أدماس وأيامها عندي جنان سعيدة شمى لعشب رياضها يقعد الراس ومافات من ساعات عمري يعيده |
رد: من روائع الامير الشاعر محمد الأحمد السديري
شوف الزهر يبعد عنا كل هوجاس
ويزيح عن قلب الشقا ما يكيده وأحب نجد وكل حبي على ساس حب بقلبي له قصور مشيده عندي وعرها مع سهلها والاطعاس غابات ورد في زهور نضيده برياضها محلا هدد كل قرناس إن شاف حفان الحبارى يصيده أنا من من نجد يكفيني هواها و يبري لوعتي شربي لماها |
رد: من روائع الامير الشاعر محمد الأحمد السديري
و شوفي من نبيه ومن نوده
غزال تابع قلبي هواها غزال ضيعت عقلي و روحي رمت قلبي و قلبي ما رماها لها بالروح وفؤادي مودة و لاشيء من أحوالي خفاها تعرف أني لها مملوك طايع أبيع الروح في دورة رضاها أهيم بحبها واخفي جروحي وقلبي ماعشق زول سواها توقد حبها بأقصى فؤادي و نار الحب يحرقني لظاها ملكني بالهوى عذب السجايا و لاأذكر ساعة قلبي نساها نحيل الخصر وضاح الثنايا نظيم الدر منظوم بفاها فجعني بالهوى ورقا حمامة وعيني منه جاها ما كفاها ورا دنياي عقبه لوعتني من الفرقا تكدر لي صفاها تمت بعون الله وشكرا لكل الزوار |
رد: من روائع الامير الشاعر محمد الأحمد السديري
الله عليك هذا الشاعر متيمه بقصائده
يعطيك العافيه وشكرا لك من الآعماق تقديري لك وتقييمي لموضوعك |
رد: من روائع الامير الشاعر محمد الأحمد السديري
من اروع قصائده لدي رحمه الله :
يقول من عدا على راس عالي رجم طويل يدهله كل قرناس في راس مرجوم عسير المنالي تلعب به الارياح مع كل نسناس في مهمة قفر من الناس خالي يشتاق له من حس بالقلب هوجاس قعدت في راسه وحيد لحالي براس الطويل ملابقه تقل حراس متذكر في مرقبي وش غدالي وضعقت بالكفين ياس على ياس اخذت اعد ايامها والليالي دنيا تقلب ما عرفنا لها قياس كم فرقت ما بين غالي وغالي لوشفت منها ربح ترجع للافلاس يقطعك دنيا ما لها اول وتالي لو اضحكت للغبن تقرع بالاجراس المستريح اللي من العقل خالي ما هو بلجات الهواجيس عطاس ماهوب مثلي مشكلاته جلالي ازريت اسجلهن بحبر وقرطاس حملي ثقيل وشايلة باحتمالي واصبر على مر الليالي والليالي والاتعاس وارسي كما ترسي رواس الجبالي ولا يشتكي ضلع عليه القدم داس يابجاد شب النار وادن الدلالي واحمس لنا يابجاد ما يقعد الراس ودقه بنجر ياظريف العيالي يجذب لنا ربع على اكوار جلاس وزله الى منه رقد كل سالي وخله يفوح وقنن الهيل بقياس وصبه ومده ياكريم السبالي يبعد همومي يوم اشمه بالانفاس فنجال يغدي ما تصور ببالي وروابع تضرب بها اخماس واسداس لاخاب ظني بالرفيق الموالي مالي مشاريه على نايد الناس لعل قصر ما يجيله ظلالي ينهد من عال مبانيه للساس لاصار ما هو مدهل للرجالي وملجا لمن هو يشكي الضيم والباس بحسناك يامنشي حقوق الخيالي ياخالق اجناس ويامغني اجناس تجعل مقره دارس العهد بالي صحصاح دوِّ دارس مابه اوناس البوم في تالي هدامه يلالي جزاك ياقصر الخنا وكر الادناس متى تربع دارنا والمغالي وتخضر فياض عقب ما هيب يباس نشوف فيها الديدحان متوالي مثل الرعاف بخصر مدقوق الالعاس ونثير على البيدا سوات الزوالي يشرق حماره شرقة الصبغ بالكاس وتكبر دفوف معبسات الشمارلي ويبني عليهن الشحم مثل الاطعاس |
رد: من روائع الامير الشاعر محمد الأحمد السديري
طرح رائع بروعتك كلمات ابهرتنا وراقت لنا ابداعك وصل القمم كنت هنا اتذوق الشهد |
رد: من روائع الامير الشاعر محمد الأحمد السديري
اسمح لي أخي ان اشاركك المتصفح
مع جزيل شكري واحترامي لولا الهرم والفقر والثالث الموت يالا دمي بالكون ياعظم شانك سخرت ذرات الهوى تنقل الصوت وخليتها اطوع من تحرك بنانك جماد تكلمها وهي وسط تابوت تاخذ وتعطي ماصدر من بيانك وعزمت من فوق القمر تبني بيوت من يقهرك لو هو طويل زمانك لولا الثلاث وشان من قدر القوت |
رد: من روائع الامير الشاعر محمد الأحمد السديري
الله من هم بالأعماق مخفيــــــه ** خيم على مكنون قلبي وكــــــادي لو هو بحيد ذاب من حر صاليه ** وخلا جلاميده هشيم رمــــــادي ياعين هلي صافي الدمع هليـــه ** واسقي لعطشان الثرى بالريادي ياناشد اللي زايد الغبن باريـــه ** انبيك عن ماصار كان انت غادي للغرب قلبي ماسمع صوت داعيه** وللشرق قلبي سمع صوت المنادي متذكر غالي على البعد ناحيــــه ** لو حال من دونه ديار بعـــــادي حق على الحق فؤادي مشاهيـــه ** برضاي حاديني من الشوق حادي ياناس خالد ماسلى القلب ناسيه ** وعيني محاربها لذيذ الرقــــادي عنها لذيذ النوم همي يناحيـــــه ** يحداه عن موق النظيرين حادي من غاب قلبي زايد البين كاويه ** فكري معه والقلب باسماه شادي فيما مضى مايشده البال كاميه ** وصبرت صبر ماقواه المهادي اقسمت باسم اللي حبيبه يناجيه ** اني للحٌق شف قلبي مــــــــرادي اروح يم اللي بلا شك نغليـــــه ** مالي على فرقاه صبر وجلادي ارجي عسى رب السموات يبريه ** وعسى لها من خالق الكون هادي ماخاب منهو باعظم اسماه راجيه ** رب الفضا محصي جميع العبادي قالو تحبه قلت بالروح نفديـــــه ** الشاهد الله كل هرجي وكــــــــادي دايم يصورلي على البال طاريه ** غال الى شفته يربع فـــــــــؤادي يفز قلبي كن عيني تراعيــــــه ** وعندي على كل المخاليق بــــادي جيته وشفت الطيب بانت مواريه ** وارتاح قلبي عقب غبن ونكادي واليوم قلبي مكننة عراويـــــــه ** وشيدت رايات الفرح بالمــــــبـادي بالضحك قلبي جاوبنه محانيه ** وغذاه من عقب اللهيب البـــــــرادي الحمدلله غالي شاف غاليــــــه ** وشفنا بشير الخير والشر غـــــــــادي وداعة اللي كل الأسلام ترجيه ** مجري غزير المي في كـــــل وادي |
| All times are GMT +3. The time now is 09:24 PM. |
Powered by vBulletin® Version 3.8.11
Copyright ©2000 - 2026, vBulletin Solutions Inc.