قصيده بعنوان (مذهله)
 

[poem=font=",6,black,normal,normal" bkcolor="tomato" bkimage="" border="none,4," type=0 line=0 align=center use=ex num="0,black""]
من حل في الوديان بين القبوله =يخضع ويتقيد لعادات القبل
وان حب مثلي لاقرابه لاصله =يحسب حسابه قبل يوقع في الزلل
يكفي من التعذيب يكفي بهذله =يكفي انا في الحزن عايش والملل
مزيون من اربع سنين اتخيله =صدفه لقيته وابتسم لي في خجل
واصغى لترحيبي وبعض الاسئله =من وين اصلك واي موطن به تحل
وقال انا من روس وادي تجهله =واهلي هل الجودات غاليين الاصل
واعطاني العنوان وانا اسجله =ودعني الغالي وقفا في عجل
ودعني بكلمات شكر معسله =احلى من السكر كلامه والعسل
قفا وانا غني واردد (مذهله) =والدمع من عيني على خدي يهل
ياقهر حالي اااه منه مااجمله =تذوب في وصفه حروفي والجمل
عذب حياتي بوعيون مكحله =والشوق وسط القلب ناره تشتعل
وعشت افكر كيف ياناس اوصله =لاتتكررت صدفه ولامات الامل
الهاتف الثابت مراقب من هله =وكاشفه ينطق برقم المتصل
وان دق جواله بسرعه يفصله =يخاف سره ينكشف بين الاهل
ولولا عليه اخاف خوته تقتله =ماقر من دونه ولو في الامر قتل
والليله ابواب التواصل مقفله =للبعد نساني ولااللقيا حصل
وكل ماحاولت نفس المشكله =لليوم هذا ماتوصلنا لحل
مسجون في حبه قيودي سلسله =من بايفك قيود عاشق معتقل
هذي هي القصه وهذي الامثله =والصقر لوح له على قول المثل[/poem]

يالمصري خوره اخترت ووفقت في الاختيار ولكن


ان كنت كاتبها فانت دايم السؤال لكثرت استعمالك

لعلامة السؤال في غير محلها


وقل للشاعر اذا كنت تعرفه


اللي يبا العسل مايخاف لسع النحل

مشكوررررررررررره اختي حبوبه ولك مني اجمل وارق تحيه

مذهله اشكرك من اعماق قلبي على كلماتك الرائعه

مشكوررررررررررررر اخوي زهوان على مرورك الاكثر من رائع

وهذه الابيات للشاعر عزيز
انشاء الله تنال اعجابكم

هذا اللي طلع لي ولك جزييل الشكرر

المصري حياك الله وابقاك وحفظك الله ورعاك من كل شر يالجودي وشكراً لك على هذا النقل الوفق والرائع وصح الله لسان الشاعر عزيز وسلمت يداك ياغالي أخي نحن في الانتظار للمزيد من هذا الابداع اخي تقبل مروري ولك مني خالص الود والاحترام والتقدير

اخوك الدياني خوره@

صح لسان الشاعر
وسلمت يمينك يالغلا
اختيار رائع
لابيات جسدت لهفة قلب وشوقه
ولكن مثل ما قال اللي سبقني من يبي العسل يصبر على لسعة النحل

تقديري