منتديات شبكة خورة العربية - يجوز انسى معك نفسي ولكن مستحيل انساك

منتديات شبكة خورة العربية (http://www.khorh.net/vb/index.php)

- قسم الخواطر وعذب الكلام (http://www.khorh.net/vb/forumdisplay.php?f=20)

- - يجوز انسى معك نفسي ولكن مستحيل انساك (http://www.khorh.net/vb/showthread.php?t=123079)

يجوز انسى معك نفسي ولكن مستحيل انساك

على كثر الهموم اللي تجيني من هنا وهناك
حبيبي كل هم يهون يوم القاك قدامي

من اول ما نظر عيني يعانق بارق محياك
بشوفك تحتفل حتى الجروح وتسكن آلامي

كأني في زمن غير الزمن لما اكون وياك
وكأن العمر يبدا في لقاك وتشرق ايامي

أحبك..كل شي فيني يحبك..يعشقك ..يهواك
ولا حٍد في الهوى مثلي متيم هايم هيامي

عيوني..مهجتي.روحي..فؤادي..منزلك وحماك
حياتي كلها لجلك غرام وعشق متنامي

بروحي والعمر اشري هناك وبسمتك ورضاك
اموت ولا احتمل دمعه تجرّح خدك السامي

انا صحرا الجفاف اللي تمنت في ظماها ماك
حرام انك مطر عمري وانا في دنيتك ظامي

يجوز انسى معك نفسي ولكن مستحيل انساك
لحبك خافقي يمشي قبل ما تمشي اقدامي

ولكن لو حصل شيٍ لروحي وافرقت دنياك
ومت ولا قدرت اني معاك احقق احلامي

دخيلك بس سامحني..ولا تبكي علي عيناك
وكثّر من دعا الرحمه ..وهذا منك اكرامي