خسارة صرت أنا أحبك .. و انت اللي تجاريني
 

أنا اللي قلت في نفسي .. احبك.. وابتدى التمثيل
بديت اكذب على نفسي .. و اقول انك نظر عيني



خطاك انك تصدقني .. تبادلني الهوى و تميل
صدقت بكل اشواقك .. وكاذب كل ما فيني



خدعني واهم إحساسي .. بلا غاية ولا تحليل
ظلمتك يوم جاريته .. أجامل .. و انت تعطيني



لقيتك غارق بحبي .. ولا لي للأمر تبديل
حرام أحطم احلامٍ .. بناها الحب .. بيديني



وسايرتك ..على كيفك .. لقيت القلب حبّك حيل
وفجأة صرت لي نبضي .. سكنت أقصى عناويني



ولا فكّرت في جرحك .. ولا ودي تذوق الويل
ولا حبيت نتفارق .. وعينك اليوم تبكيني



ولكن بانت الكذبة .. وعزّم قلبي التعديل
تنبّه بعد ما فات الأوان .. ومرّت سنيني



علينا دارت اللعبة .. مثل دورة نهار و ليل
تحب وكنت انا لاهي .. عشقتك و انت جافيني



خلاص الحزن ما ينفع .. تبادلنا الهوى تمثيل
خسارة صرت أنا أحبك .. و انت اللي تجاريني

صح لسانك اختي سفيرة الاحزان

ماشاء الله ارى فيك موهبه شعريه جميله

:)

هكذا درات الاحوال وتبدلت فأصبح المفترس فريسه

اعتقد هذا جزاء عادل :)

تقبلي مروري المتواضع

ودمتـِ بود

http://upload.te3p.com/uploader/325904/11235407495.gif
ارتوينا من عذابات الشجن
قبل ان نرتوي من ينبوع الحب
هنيئا لنا بقلم ينثر احساس رائع
دام لنا هذا البوح