الصمت مزعــج
 

[poem=font="Arabic Transparent,6,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دمعي انتثر فوق خدي يوم ودعتك = وش حيلتي غير دمع العين يلهيني
تقفي ركابك بجنح الليل ما شفت = وكذب على الروح اقول الحين بيجيني
وطالت ليالي بعادك يوم هملتك = بعد كسر قلب قاسي صلب ما يليني
ابكي وقالوا الخلايق ويش مشكلتك = ما حد عرف جرحي الي دوم يبكيني
غايب ولكن قسم ما يوم غيبتك = مسجل حضورك وصوره شخصك بعيني
لكن مدري انا باقي بذاكرتك = انشد ضميرك اذا هو صدق هاويني
معقول تنسى ودادي يوم قدرتك = واحلا ليالي معك تحلا بها سنيني
حتى ولو تعتذر قابل بمعذرتك= بس انت قلي انا اسف وترضيني
من زود حبك ولو تغلط تحملتك= عودت قلبي على طعن السكاكيني
لو كانت ظروفك الي تقول مشغلتك = وش له تعذب خفوقي يوم تجفيني
اما تجيني ولا تقول لي بعتك = هذا اصول المحبه والمحبيني
الصمت مزعج وانا اسف لو ازعجتك = بس انت قلها كفايه وانت تكويني
تكفى طلبتك دقايق بس من وقتك = عطني الصراحه وخلصني من الحيني
اطرد سرابك وشد رحال في خبتك = وانشد عليك السحايب يا نظر عيني
ودي اشوفك ورغم الصد ما عفتك = جيتك بوجه النقاء والزين مغريني
والله احبك ولا جا يوم وبغضتك = يا جعل ربي بحياتي ما يهنيني
واخر كلامي قسم بلله ما خنتك = ضحيت لجلك حياتي وانت ناسيني
اما تجيني من اخرتك الى اولتك= ولا تفارق ترى الي فئ يكفيني [/poem]

وسلامتكم الشاعر /راشد النســي


http://www11.0zz0.com/2009/02/18/06/703540923.jpg

[ALIGN=CENTER][TABLE1="width:95%;"][CELL="filter:;"][ALIGN=center]تسلم شاعرنا راشد وصح لسانك
ولاعدمنا تواجدك

تحياتي[/ALIGN][/CELL][/TABLE1][/ALIGN]

اخوي راشد حياك الله يالجودي وابقاك وحفظك الله ورعاك من كل شر ياغالي وصح الله لسانك وعلاء شأنك وبيض الله وجهك كلمات رائعة من شاعر متمكن والشعر له ولأهله والنعم فيك وفي اهلك اخوي راشد ونحن في منتدى خوره كسبنا شاعر من الطراز الأول اتمنى ان يدوم تواصلك هنا ونشاهد الكثير من روائعك التي تسطرها اخي راشد المعذره منك على التأخير في الرد والله ماهي قلت قدر وانت تعرف ان قدرك عندي كبير يالجودي لكن ترا الظروف تجبرني احيان على عدم التواجد هنا اخي تقبل مروري ولك مني خالص الود والاحترام والتقدير اخوك الدياني خوره@