منتدى همس المودة - غلطة الشوق

‫شيلة غلطة الشوق كلمات محمد الشيباني اداء هادي الرزقي‬&lrm; - YouTube

ياحلو كلمة سم لا قلتلي سم
...................... احســـــــــــــها متمكنــــه بالحنايا
وارجع اكرر غلطة الشوق وازهم
...................... وتردهـــــــــــــــا وتبذ كــــل الخفايا
يا كم سمعنا سم يا كم يا كم
...................... لكن من شفـــــاتك تسوي سوايا
ارق من صوت العصافير وارحم
...................... من عاطـــفة طفـــــلٍ يضم الهدايا
واعذب من الما باول الصيف واطعم
...................... من بوسة اللي صـــــادقٍ فالنوايا
عطني علومك بعدها لا تلعثم
...................... في ذمتي مشتاق اشوف الثنايا
الليل توه وانت يا سيدي عم
...................... كــــــل المكــــــان ملبسينه مرايا
امر وقول اللي تبي يا بعدهم
...................... شف صــورتك غطت جميع الزوايا
ترى الحياه ابدون حب وغلا هم
...................... الحب نعمه يـــا رقيـــــق السجايا
هذي يديني مدت اكفوفها قم
...................... صـــــافح يدينٍ جت تشيل التحايا
ان طعتني قرب على صدري وضم
...................... قـــــلبٍ اليعطـى مــا يمن العطايا
لا لا تفرق يا الغضي غيمٍ التم
...................... قبل النفس يـــروي ظماك وظمايا
ومن بعدها يا صاحبي فالحشا نم
...................... غمــــض عيـــــونك لا تعد الخطايا
وان قلت انا يا سيدي يا بعدهم
...................... ما نيب كـاذب وانت داخل حشايا