عرض مشاركة واحدة
قديم 06-02-2011, 01:41 PM
  #1
عضو مميز
 الصورة الرمزية علم غرورك عزتي مالها حد
 
تاريخ التسجيل: Apr 2011
الدولة: الرياض
المشاركات: 484
معدل تقييم المستوى: 31
علم غرورك عزتي مالها حد is on a distinguished road
3 01168658871 خطط مدروسه للانتقام

خطط مدروسه كيف تنتقمين من اخوك ههههه


خطه جهنمية للصبايا

أذا بغيتي تروحين السوق وقلتي لأخوكِ ودني لو سمحت

ورفض عاد أنتي لا تسوي نفسك حساسه وتزعلين

لا لا قوليله جزاك الله الف خير ( قمة الأدب ) وروحي غرفتك

وتلهي باي شي ( ترى الموضوع ما راح يعدي با الساهل

واليكي طرق الأنتقام


1ـ روحي لغرفتكِ وخذي مزيل الرائحه حقه قبل ما يتحمم وفكيه
وحطي فيه مزيل المناكير وأعصري ليمونه وحطي حبحر
..... ورجعيه مكانه عاااادي ترى .....
وهذا وجهي أن قدر ينزل يده ولا يمشي زي الناس.



2ـروحي للجزمه حقته أو الصندل (ولكم الكرامه)
الي يحب أخوكِ يكشخ فيها وكلي علك وياليت علبه كااااااامله
, وحطيها على الصندل او الجزمه من برى وجوه. ووعععععععععععع



3ـروحي للقلم الباركر حق أخوكِ الي يحطه دايم في الثوب
( منظره بس) وفكي الغطاء ونزلي الحديده الصغنونه

وغطسيها في الحبر , وبعدين رجعيها مكانها بس هاه
أتركي القلم مفتوح يعني جاهز للكتابه, ..
طبعاً أخوكِ ما راح ينتبه لانه مستعجل وش الي راح يسير عادي
ينزل الحبر على ثوبه ( قمة القهررر).



4 ـ خذي الجوال حقه والعبي فيه لين ما تخلص البطاريه
والابغى ياخذه قوليله البطاريه قضت.
وأعرضي عليه ياخذ بطاريتك (كرم أخلاق من جد ).



5-خذي مفتاح السياره حقته وخبيه وأذا سأل عنه قوليله
أنك شفتيه مع أصغر طفل با لبيت ياريت يكون عمره سنه
أو سنتين(بعد تسذبين؟؟؟؟) طبعاً ماراح يضربه بالعكس
راح يتحايل عليه ويوصله المعلومه باي طريقه .......هههههه
أضحكي بس عاد لا يشوفك وتتفركش الخطط.....
قومي وأبحثي معه مب تتفرجين على انتصارك هو راح
يمل ويتصل على خوياه ويقولهم.......
مانيب جاي الا مروا علي ترا السياره خربت
هنا عاد أعرضي عليه يبغى فلوس ولا لا ولا تبخلي عليه
المهم أعطيه وترى في النهايه (توهيقنه والله ما راح يرفض)
هو ماله عين ياخذ ما وداك السوق وبعد
ياخذ (ام هذا قمة القهر).

*** عند التلفزيون ***

إذا كان فيه مباراه , والاخ متحمس اقطعي هالحماس وشلون؟؟!
انا اقولك ..

شوفي اذا صار مركززز وماهو لم احد يعني لو تجيبين صاروخ تفجرينه قدامه مالتفت لك ..
اعرفي انه منسجم , هنا بس تقومين بشغلك......... وتسوين نفسك بنت سنعه وربه بيت كويسه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

واذا قال: ابعدي لااصقعك على وجهك بالكاس قولي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش واسحبيه برجولك ولا تلتفتين وراكِ..
<< أو خلي نفسك مو فاهمه وسئليه عن اللي يتابعه ليش كذا أواشفيهم

*** عند النوم ***

لا صار اخوك يشخر.. نكدي عليه نومه وشلون؟؟دخلي عليه بزارينكم و بزارين جيرانكم وصكي الباب عليهم وخليهم يلعبون بغرفته ويناقزون على راسه ..

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نطلع ..


*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب هههههه

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت ولا رحت وش بيصير؟؟

عاد هو بيقوم ويوريك وش بيصير على سنع انتي في هالوقت امسكي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك << عاد الي ماعندها درج تتصرف



عادي .. عادي ولا صرتي بزر طفله وش فيها اهم شيء تحقيق الغايه اللي هي (( تفجير الامبراطوريه ))


*** وقت الطقاق ***

لا جاء يوم وبراسك شي وتبين تطاققين وتضاربين انتي واخوك لازم تجهزين نفسك من كل ناحيه:

1/ اللبس: لازم تلبسين شي خفيف علشان يسهل الركض


2/ الشوشه او شعرك بمعنى اصح لازم تلمينها وتسوين حفله براسك ذاك اليوم تحطين انواع الشباصات الكبيره والصغيره وانتبهي ولا خصله تنزل منك..

وياليت يكون ذاك اليوم حاطه براسك حناء علشان مايتجرأ ويلمس شعرك أمه يجيب مثل هالتفكير ..ابن

3/ مفتاح الغرفه جهزيه الاحتياط واجب

اذا بدت المعركه حطي راسك براسه ولا تبينين له انك خايفه وقوليله وش براسك عاد هو هنا بيقولك هذا اللي براسي طراااااااااااخ الا وكف على وجهك

لا تستسلمين عطيه بوكككككككس على عيونه الثنتين علشان مايشوف الدرب..

وحطي رجلك وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في الظهر ..


وفي النهاية
مالي دخل اذا صارلك شي ماشيااااات....

وانتبهوا لاخوانكم وشوي شوي عليهم << بتصلحها
لا تضربوهم بقوة مهما كانوا يصيرون اخوانكم....

تــ ح ــياتي
آخر مواضيعي 0 هيا بنا نتهاوش (ارجو التثبيت)
0 عزيزي .................... مثلاااا
0 البطاقه الشخصيه لاعضاء المنتدى..
0 الشعب الشعودي
0 مدونة الحزينه اسوم
0 شاب يكلم امه على النت
0 كلمات من خرابيطي
0 نصيحة محشش بوقت الاختبارات
0 وش تتوقع العضو الي قبلك
0 خطط مدروسه للانتقام
علم غرورك عزتي مالها حد غير متواجد حالياً  
رد مع اقتباس