أبي يقول أسمع وصاتي وأنا أبيك
عشر وصايا قادحه من شراره

من تجربه الدنيا وجردن مهاليك
لقا بها الافراح عقب المراره

الاوله طيب النبا في ملاقيك
حافظ عليه ولا تنقص عياره

لاتغض عينك لاتكلم محاكيك
عطه على جوه وقدر وقاره

والثانيه من جاك زابن وناصيك
قله احرست ودارك تصير داره

وان صاح ابن عمك فلا تقول وشفيك
افزع معه واصمد على كل غاره

والثالثه خوة اهل الطيب تغنيك
والا ضعيفين الروابع خساره

ومن يضحك بوجهك وهو مايدانيك
كبه وخله يحترق وسط ناره

والرابعه لاحزت نصرك بأياديك
اقنع بنصرك لاتعاود مساره

لاتومي بنفسك بدرب المهاليك
مشين على الرجال كون انكساره

والخامسه خابرك وأنا مربيك
ماينفعك كثر اللعب والدواره

قلط ربوعك مجلسك يوم تأتيك
وخل الدخون يدور داير مداره

والسادسه رفيقك اللي يخاويك
سافر معه وتعرف ماكر حراره

اما رفيقن في مماشيه يحيك
والا فغير وجهتك عن مساره

والسابعه سرك يميتك ويحييك
عليك بالكتمان تاره وتاره

افشاء سرك عند من لايراعيك
مايرفع البنيان عقب انهياره

والثامنه من قبل لا اقول واوصيك
لا خير في جارن مايحب جاره

جارك عطه روحك وما تملك ايديك
ركد له الدله وشب المناره

والتاسعه لو يغلط بحقك اخيك
خذها بشحم وارفع مع الناس كاره

علمه ترى علمك وطاريه طاريك
عليك به لو كان ماله جداره

والعاشره حب الهوى جعل مايجيك
وان جاك فاالطف به وصونه وداره

يومن بيضحك بك ويومن بيبكيك
وياعزتي لك لاتعدى الستاره

واللي عن العشر الوصايا بيغنيك
عمود دين ونور درب ومناره

ترى الصلاه وبس هي من تنجيك
واللي ماهو يصلي حياته خساره ..!!

اميرتنا المبدعة " لوليتا " الحالمة
سلم الذوق الراقي وما اختار
شكرا جزيلا
ولروحك الزنبق

__________________

يسلمو على الطرح المميز

يسلمكم ربي ويحفظكم
الغاليه حنين/ دوله الرئيس مشكووورين ع كرم تواجدكم ما ننحرموو يارب
شگري وتقديري ~

فعلا وصايا قيمه جدا جدا



الأنيقة لولو الحالمه
امر على صفحاتك وأقف أمامك صامت
من جمال ما أراه
شكرا لك على هذا الحضور وهذا الابداع الدائم والمستمر
الله يعطيك الف الف عافية

__________________

يعافيك ربي لا يحرمنا الطله الحلوووة يارب
تاريخنا انت مافي منك بيفرح قلبي بحضورك المميز " لا عدمنا"
ابــتسآمه لَ روحك ~

صح لسان الشاعر وسلمت يداك على الطرح الرائع


كل الوصايا بحق هي رائعة ولكن لست معه في واحدة


وان صاح ابن عمك فلا تقول وشفيك
افزع معه واصمد على كل غاره

افهم وبعدين افزع ههههه اما كذا ولو هو على باطل ؟!

__________________
Time to go

وصايا في الصميم
سلمت على الانتقاء ياغاليه
مودتي لروحك

__________________